Aus zahlreichen Einsendungen hat die Bayern-Redaktion nun einige zum Abdruck und zum Anhören im Internet freigegeben. Die Gewinner der "Mythos Bayern" Bücher werden benachrichtigt.
I woaß ned, wos I wähln soi
Ob schwarz oder rot
I muaß mi entscheiden
Zwischen Elend und Not
Matthias Kiefersauer, München
Wenns an Seehofa no amoi ärgern
A neie Partei machd er im Nu
Denn sei VDK hod mehr Mitglieder
Wia de ganze CSU.
De Merkl vatrogts net
Dass zu am Mo aufischaut
Drum hots den langa Merz
Und den Seehofer davoghaut
Auf Augenhöhe diskutiert
Ham de Merkl und da Schröder
Denn jeda von de zwoa
Misst guad oanohalb Meta
Der Schröder hot se d'Absätz
An de Schuh vorn hi-gnaht
Jetzt hoda des Gfui
Dass wida aufwärts geh dat
Der Schröder fahrt Audi
Und keinen Passat
Damit hot er oiwei
Seine vier Ehering parat
Dass de Türkn in d'EU kuma
Do bin i dafüa
Aba dass de Preißn schon drin san
Ja do stinkta mia
Anonymus, Ingolstadt
Da Stoiba, der mog Bayern
Auch will er nach Berlin.
Drum wird Minga bald Hauptstadt,
Dann muassa net umzieh'n.
Da Schröder mog dös Fernseh'n
Dös Fernseh'n mog ihn auch.
Verliert er denn die Wahlen,
Gewinnt er halt beim Jauch.
Da Schröder ist a Roter,
Sogt zumindest sei Partei.
Aber so wia der regiert,
Passt der a ind CSU nei.
Die Wahlen die san offen,
Dös schaugt wieda eng aus,
Aber egal wos ma wähl'n,
Es kimmt eh's gleiche raus.
Bastian Mahler
Der Kirchhof, der Professa,
Der hot a Vision
Nach dera geht's uns bessa
Mit weniga Lohn
Otto Schwarz, München
An Burger seine Gstanzl, song s',
Die beleidigen, song s', das preißische Ohr
Ja die Wichtigmacher dean sich hart Mi'm Lacha, dene fehlt's hoit am Humor.
Karl-Heinz Fraundorfer, Penzberg
Schafft's de Merklin und wead Kanzlerin,
Na tean se zwoa Bayern blamiern
Da oane wead se giftn vor Neid,
Und da anda wead in seiner Gruft drin rotieren.
Gustav Dittrich, München
Was waar für uns Bayern
Beim Wahlausgang blöder
D' Änschi als Kanzlerin
oder der Schröder
Edmund Stoiber z'Berlin
Waar besser ganz gwiess
Wei dann unser Bayernlandl
Stoiber frei is'.
Uwe W. Wilsdorff, Göggenhofen
Und da Stoiber is a arma Deife,
Das mach i eng gor nix weis,
Er is koa gstandner Bayer,
Aba hoid a koa Preiß.
Irmgard Weiher, St. Johann