Abschied von Oettinger:"Lieber Herr Minischdrpräsident"

Wechsel im Ländle: Oettinger geht und überall singt man Lobeshymnen. sueddeutsche.de liegt eine bislang unveröffentliche Eloge vor - auf Schwäbisch.

Tobias Dorfer

Zum Abschied gibt es nur wärmende Worte - das ist bei Günther Oettinger nicht anders. Doch weil am Ende alles richtig schnell gehen musste und mittlerweile Stefan Mappus schon zum Nachfolger gewählt ist, konnten leider nicht alle Elogen auf den Feierschwaben auch tatsächlich gehalten werden. Das Skript dieses Abschiedsgrußes hat sueddeutsche.de über viele verschlungene Wege erreicht. In der Redaktion wird gemunkelt, das Papier könnte aus Oettingers Umfeld im schwäbischen Ditzingen stammen. Dort war er Gemeinderat und gründete einen Ortsverein der Jungen Union. In Ditzingen hat sich Oettinger im Jahr 1982 auch als Oberbürgermeister beworben - vergebens.

Abschied von Oettinger: "Sag zum Abschied leise Servus!" heißt es in Bayern. Der Schwabe Günther Oettinger schaute zum Abschied einer Hexe im Europapark Rust tief in die Augen.

"Sag zum Abschied leise Servus!" heißt es in Bayern. Der Schwabe Günther Oettinger schaute zum Abschied einer Hexe im Europapark Rust tief in die Augen.

(Foto: Foto: ddp)

Lieber Herr Minischdrpräsident,

nach fünf Jahr als Landesvadder verlassed Sie jetz onser Muschdrländle, um zur EU nach Brüssl zom ganga. A bissle wehmüdig semmer zwar scho. Andererseits ischs doch au schee: Oinr von uns Schwaba darf raus in die große Welt - ond des, obwohl die älle immr übr uns lachet und auf unsram Dialekt rumhamplet.

No gibt's viele, die dr Angela Merkel auf d'Schuldr klopfet ond ihr saget, endlich hasch au den obequema Seggl aus Schduagerd los. Die mog Sie ja au net bsondrs, wie mr älleweil so liast. I han au scho ghört, wie Ihr Vorgängr, dr Kommissar Verheugen, d'Hend übrm Kopf zammagschlaga hat ond von ra "Entsorgungsaktion" gschwätzt hat. Grad der.

I kann Ihne bloß oins saga: Nemmet Sie des Gwäsch net ernscht ond froiet se sich halt recht übr Ihran Uffschdieg. Gugget Se amol zrück, wie Ihre drei Vorgänger abganga send. Dr Hans Filbinger isch mit Schimpf ond Schande aus seim Amt gjagt worra, da hen Sie grad ihran Ortsverei von dr Junga Union in Ditzinga gründet ghet. Lothar Späht isch zwar a rechtes Cleverle gwäa, abr gscheid gnug, um die Traumschiff-Affäre zu umschiffa, war er au net. Ond den Erwin Deifel hen Sie ja selbschd zom selbiga gjagt. Drnoch hat mr nur no von ihm ghört, dassr vrsucht hat, in München Philosophie zom schdudira. Und dass d'Frau ihm d'Schdudendabude eigricht hat.

Abr Sie, Herr Minischdrpräsident, Sie ganget mit aufrechdam Kopf aus dr Villa Reitzenstein. Sie schdeiget emmerhin zum EU-Kommissar für Energiefraga auf. Ond prombt läschdret se älle zamma. So a Büroklammr wie Sie würd ja au gut nach Brüssl passa. Schdimmt, sie passed au wirklich gut dana. Denn a paar Eigaschafta bringet Sie dann doch mit, die mr en Brüssl ohbedingt brauchd.

Was moinet Sie, wie wichdig Humor da isch. Emmr die Lobbyischda-Veschper ond die endlose Sitzunga, bis mr au den Seggl aus Bulgarien von ällem übrzeugd hat. Da ischs doch gut, wenn mr so a läschdige Sitzung mit ma Anekdötle garniera ka - odr ma aschtreina Schenklklopfr. Em Färnsäa hen sie doch zomletscht die Gschicht von dera Rosin erzähld, die wo a Grubalamp uffm Kopf ghed hat, weil se zrück hat müssa in da Schdolla. Wenn Sie deen Witz in Brüssl erzählet, odr wenn Sie da Barroso, wie Ihran guta Fraind aus Schduagerd, als "Weltmeischdr im Seidasprung" bezeichnet, dann dürfet Sie auch auf die richtig luschdige Feiern. Und wenn Se in so ra Beschprechung Ihr berühmte Teesieb-Brill aufsetzed, dann schmeißed die Leit sich da so weg vor Lacha, dass die gar nemme auf Ihre Vorlaga gugget, sondern ihne älles underschreibet.

D'Fachkenntnis isch mindeschtens genauso wichdig. Mr kann Ihne ja viel vorwerfa, aber in Ihre Thema, do kennet sie sich aus. In dr taz han i glesa, Sie könntet ohne Probleme den Schraubabeschdand odr die durchschnittliche Klofehlzeit beim Zwölf-Mann-Betrieb Häberle ond Pfleiderer aufsaga. I glaub, Sie wissed au, wie viel die Leit in dera Firma rauchet und wie sich des alles insgesamt aufs Bruttosozialprodukt von Rottweil auswirket. Und damit hen Sie dene Kerle in Brüssl scho wiedr was voraus. Weil die kennet Rottweil gar net.

Ond was wär an echtr EU-Kommissar ohne Scharm und ohne politischa Inschdinkt. Dass Sie Ihren Knigge gut kennet, hen Sie bei ons drhoim au scho zeigd. Die Frauaunion sollet Sie amol "Krampfadergeschwader" gheißa haba, was ja net ganz ohgfährlich isch. Abr dann hat Ihr ökonomischr Scharm zugschlaga. Denn um die Fraua zu besänftiga, hen Sie oifach des Kindrland Bada-Württaberg ausgrufa und die Ganztagesschul ausbaut. Plötzlich hen die Dama älle bei Ihram nägschda Kaffekränzle koine Bäbysitter mehr brauchd. Und so was honoriert der Schwob. Au wennr vorher no bruddelt hat.

Sie sehet scho, des kann was werra, mit Brüssl ond Ihne. I seh Sie scho mit dr Silvana Koch-Mehrin und am Edmund Schdoibr a Viertele in so ra kloina Brasserie schlotza. Und falls Ihne des älles doch zu bled wird, odr die Leit da droba Ihr Englisch oifach net verschdanda wellet, dann vrsuchet se's doch oifach beim Quatsch Comedy Club. Der Rosina-Witz kommt da sicher toll a. Abr da denget mir jetz no net dra. Jetzt ganget Se erschtamol zur EU. D'Donauschwoba, die Sie emmr so gern zitieret, die henns sogar bis nach Brasilien gschafft. Da isch Brüssl ja n Katzaschprung drgega.

Älles Gude wünsch i Ihne, gud lack, wie dr Engländr secht. Odr, ganz schwäbisch, adele!

Zur SZ-Startseite

Lesen Sie mehr zum Thema

Jetzt entdecken

Gutscheine: